♨️مقال 

📌 مبارك جعفر يكتب : سيادة والي الخرطوم إليك مقترح مواصفات وزير الصحة الجديد. 

✍️ مبارك جعفر 

◼️يا سيادة الوالي، بالنسبة لمنصب وزير الصحة – ولاية الخرطوم

يا حبذا لو استخدمت منهج إدارات الموارد البشرية في التقديم على الوظيفة

مرشحين، سيرة ذاتية يتم دراستها لكل واحد، اختيار قائم على الشفافية، ومشاركة الشعب في القرار.

صدقني: حتكسب شعبية هائلة، ودعم، من الشعب نفسه، ونموذج للعمل المؤسسي

◼️عشان ما يكون الحنك شوفوا لينا ناس بتعرفوهم، أو يجوك (لوبيهات) معينة وتضغط لاختيار مرشحهم، وتااااني تتعاد الدائرة اللعينة بتاعت الفساد والشلليات واللوبيهات اللي انت شفتها بنفسك.

◼️والله السودان ده فيه كوادر عظيمة، تحيرك عدييييل

لا عندهم انتماء حزبي، ولا عقد نفسية، ولا شلليات

همهم صحة المواطن وكيف نخدمه

◼️ابعد الله يرضى عليك من شغل التوصيات ورشحنا ليك فلان

السودان دا ضيييق وكل الأخبار بتصل للناس

◼️وأصلا يا حليل الوزير الجاي ده، كل عيون السودانيين داخل وخارج السودان معاه في كل كلمة، وكل قرار حيقوم بيه 

◼️خلي اختيار الوزير يكون نموذج للعمل المؤسسي

وواثقين من رايك، وقرارك.