📌من طرائف الأطباء //د. فقيري الفاتح يكتب : لمن البوص إتصلت عليّ وقمت كشحت الشاي فيني .

جالينوس الطبي الصحة من لدن خبير 

📌من طرائف الأطباء //د. فقيري الفاتح يكتب : لمن البوص إتصلت عليّ وقمت كشحت الشاي فيني.

 ✍️ د. فقيري الفاتح 

🔳قاعة الميتنق – مستشفى الأطفال مدني.

ذكريات ناس كتيرة موجودة فيها .

التحية لبروف هدى هارون 

حيث العلم المخلوط بالبستفة 

من القصص الحكاها أخونا د. Fageery Al-fatih المتعلقة بالبوص والهرش والرعب أنه قال : مرة كدة كنت بوست ديوتي المهم كنت تعبان شوية قلت أرجع البيت أغير ملابسي وأجي الحق الميتنج اليوم داك البروف جات الميتنج بدري 

وكان في كيس بتاع Hemolytic uremic syndrome

والبروف كانت بتسأل عنه

بعد شوية البروف عاينت يمين شمال

🔳سألت الدكاترة الفي القاعة : انتو فقيري وين ؟

بكل حسن نية ردت عليها زميلتنا : فقيري رجع البيت يستحمى يابروف .

البروف : قلت شنو يابتي ؟؟!!

لالا دي ما حصلت في التاريخ يا جماعة رجسترار بوست ديوتي يرحع البيت يستحمي دي أصلو ما حصلت 😡

أصلو الليلة فقيري دة ما بخليهو 😤

اتصلت علي تلفون.. الوقت داك كنت بشرب الشاي في البيت

🔳لما التلفون رن وقريت الاسم ، من الخوف كشحت الشاي ورديت علي التلفون .

البروف : ألو فقيري الليلة عملت ليك حاجة ما حصلت في تاريخ المستشفى 😡

تعال الميتنج أصلو الليلة ما بننتهي الا تجي .

🔳لما وصلت المستشفى ولاقيتها ، غسلتني غسيل جد 😂 ياخ من الكواريك الكوبيشن زاتهم عرفوا اني رجعت البيت استحمى 🤣🤣

بعد كم شهر برضو كنت بوست ديوتي

وكان دكاترة الخرطوم اليوم داك كلهم قاعدين يحضروا

🔳وفي رجسترار معانا كانت بتقدم في كيس

والبروف اليوم داك كانت هايجة شديد و غسلتها 

بعد شوية البروف سألتها : النواب المعاك في اليونت منو ؟قلت ليها انا يا بروف

🔳قبلت علي : وانت يا أخوي فاضي لي من الحمام .

أسكت مني ما تتكلم معاي 😂

غايتو كانت أيام 😂