📌 ولاية أوهايو الأميركية.. مدينة كولومبوس // الأنثى فاس وساس // د.تهجد هاشم تكتب : تشيرت مكتوب عليهو Be kind to your mind.. كوني رحيمة مع عقلك.

جالينوس الطبي الصحة من لدن خبير 

📌 ولاية أوهايو الأميركية.. مدينة كولومبوس // الأنثى فاس وساس // د.تهجد هاشم تكتب : تشيرت مكتوب عليهو Be kind to your mind.. كوني رحيمة مع عقلك. 

✍️ د. تهجد هاشم 

📌كنت في المستشفى وجيت مارة جنب ال gift shop فلقيت التيشيرت ده معلق جنب الباب. وقفني طواالي. 🛍️

Be kind to your mind 💙

اخدت وقفة. كيف نكون رحيمين بي عقلنا في الزمن الصعب ده؟

♦️متين كانت آخر مرة كنتي فيها رحيمة مع عقلك؟ 🤍

🔷العقل بيشتغل ٢٤ ساعة في اليوم. بيحميك، بيخطط ليك، بيتذكر ليك. وإحنا كيف بنكافئه؟

⚫بنملاهو قلق. ومقارنات. وأخبار سلبية. وأفكار زايدة بتدور في نفس الحلقة من الصبح للمسا. 😔

💖الرحمة بي عقلك بتبدأ بي شنو بالظبط؟ 8 حاجات

🌀 وقفي الـ overthinking:

العقل ما بيحل المشاكل وهو خايف. الحل بيجي لما تهدى. لما تندأ دائرة التفكير الزائد، قولي لنفسك: «ده ما وقت التفكير، ده وقت الراحة.» وأكتبي او اتمشي او اقري كتاب.

🚫 نبعد عن السلبية المتعمدة:

في ناس وفي محتوى بيخلي طاقتك تنزل كل ما تقرب منهم. الحل بسيط، نبعد منهم.

✋ وقفي ردود الأفعال السريعة:

ما كل كلمة تستاهل رد. ما كل موقف يستاهل طاقتك. التوقف ثانيتين قبل ما تتكلمي أو تكتبي ده فعل قوة وليس ضعف.

🙏 اشكري عقلك:

حرفياً. قبل النوم، قول: «شكراً إنك حاولت تحميني اليوم.» الامتنان بيغير الكيمياء الحقيقية للمخ، ده علم ما كلام.

💡💫🌱 اديه أفكار حلوة:

عقلك بيتغذى على الشي اللي بتديه ليهو. فكري في حاجة واحدة ايجابية حصلت اليوم وخليها بداية ايجابية.

📓 اكتبي:

الـ journaling او التدوين هو وسيلة علمية لتفريغ العقل. 5 دقايق في اليوم تكتبي فيها شنو في دماغك، من غير حكم، من غير تنسيق، بتخلي الأفكار تطلع من داخلك وتشوفيها من بره. وده بيساعد عقلك يكون مرتب وهادئ.

😴 نومي كويس:

النوم هو الوقت الوحيد اللي عقلك بيتنظف فيه حرفياً. العلم الحديث بيسميها الـ glymphatic system: جهاز بيشيل السموم من المخ أثناء النوم العميق بس. السهر بيحرمك من الخاصية دي.

🚶‍♀️ حركي جسمك:

المشي 15 دقيقة بيرفع الـ serotonin والـ dopamine. لما تعتني بالجسم، العقل بيحس بيه طواالي.

عقلك أمانة، عامليهو زي ما بتعاملي أي حاجة ثمينة عندك. 🤍​​​​​​​​​​​​​​​​

شاركي البوست مع ناس محتاجين يتذكرو يكونو رحيمين بي عقلهم 👌🏼👍🏻

كل الود 💖

د. تهجد