جالينوس الطبي الصحة من لدن خبير.
📌 نافذة التمريض // زينب عيسى تكتب : تمريض بكل اللغات.
✍️ زينب عيسى
🔥I am a nurse..🔥
. 🔲 متعوده أثناء فترة الدراسة كل إجازة انو انزل تدريب في المستشفيات ك. متدربة و أحيانا متطوعه، كنت في كل مره أنزل فيها بتعلم حاجات جديدة و بستفيد من فترة وجودي في المستشفى.
🔲المستشفى مكان بجمع ناس من مختلف المجتمعات والثقافات، تنوع عجيب و فريد، من التنوع دا اتعرفت على ناس كتيره وثقافات وعادات وتقاليد بعض الناس ما بعتقد كنت ح اعرفها لو ما درست تمريض.
،🔲أول درس اتعلمتو من د. عاصم ربنا يديهو الصحة والعافية في سنة 2015 أنو كان بتعامل مع أي مريض بلهجتو يعني لو من الغرب بلهجة الغرب و لو المريض من جنوب السودان ب. عرب جوبا و مرات بتكلم حبشي عديل 😊 و حاليا بعد طلعت بره السودان اللهم بارك بقيت مندمجه مع كل اللهجات و في تنوع مختلف جدا ف. بقيت بفهم بعض اللغات و بستوعب و بعرف اتفاهم مع البيشن سواء كان هندي او بنغالي او باكستاني او أفغاني و بجيد بعد الكلمات من لغه الباكستان و بعض مصطلحات الفلبين و قليل من بعد اللغات الاخرى،
🔲 اللي عاوزه أوصلو ليكم انو الممرض بسبب قربو الشديد للبيشن و انو هو contact معاهو بصوره دائمه لازم وضروري جدآ يكون ملم بكل اللهجات والثقافات عشان يقدر يكسر حاجز الثقافة لانو بسهل ليهو عملو و بتقدر تتواصل مع المريض بطريقه سهله و بكون في تعاون بينكم و بتقدر تقدم ليهو العلاج بطريقه صحيحه و مريحه.
#RN Zeinab Eisa
