📌صحة ولاية البحر الأحمر //الجانب المشرق من الطب ولأطباء //رسالة د. الشعرواي صلاح الدين المدير( السابق) لمستشفى بورتسودان التعليمى إلى د. محمد أونور المدير (الحالي) لمستشفى بورتسودان التعليمي .
د. وليد شريف عبدالقادر
جالينوس الطبي الصحة من لدن خبير
📌صحة ولاية البحر الأحمر //الجانب المشرق من الطب ولأطباء //رسالة د. الشعرواي صلاح الدين المدير( السابق) لمستشفى بورتسودان التعليمى إلى د. محمد أونور المدير (الحالي) لمستشفى بورتسودان التعليمي .
✍️ د. وليد شريف عبدالقادر
🔥كتب هاشم ابو آمنة عن المدير( الحالي) لمستشفى بورتسودان التعليمى الخلوق المهذب اختصاصي طب الطوارئ والإصابات د.محمد أونور الآتي : قدر ما اجي ماري بشارع الحوادث الجديدة بالذات بالليل بلقى دكتور محمد أونور لافي مع العمال و الارهاق و التعب ظاهر في عيونو ؛ بقيت يومي بمر عليهم المساء بلقاهو لافي مع المهندسين و العمال و بكون في الحالة دي من الصباح ؛ صعب في الزمن دا تلقى زول مجتهد و بشتغل بضمير عشان يقدم حاجة جميلة للناس و بالذات البسطاء ؛ انا شايف انو مفترض يكرم و الناس دي كلها تسندو و تقيف معاه طالما بحاول يقدم خير للناس ؛ دي شهادة مني لحاجة بسيطة شوفتها بعيني و ما خفي اعظم.
🌹♥️🪷وبعدها رد على المنشور المدير (السابق) لمستشفى بورتسودان التعليمى اختصاصي طب الأسرة د. الشعرواي صلاح الدين بنص مكتوب يمشي مرافقاً للسمو الإنساني.. أحرف تجعل الأخلاق الطبية تصفق حد النشوة وبعدها تهرع لتناول فنجان جبنة ( مزبوط) بي شمالو..الطب جاور القمر عندما تقرأ رده وهو يقول :
(د. محمد اونور والطاقم المعاهو … من اميز الناس الذين قدمو الكثير لمستشفى بورتسودان التعليمى بكل اقسامو المختلفه … ربنا يوفقو ويسهل ليهو طريقو … الادارة الطبية وبالذات ل مستشفى الحوادث مسؤلية كبيره وحاجه صعبه شديد … لانو انت بتعالج الشعب كلو ( ب اهم فئه فيهو وهى الفقراء والمساكين ) اجر عظيم عند الله …فى ظل هذه الظروف الصعبه … ربنا يوفقو ويسهل ليهو طريقو 👍👍👍)
🔳 د.محمد أونور ود. الشعراوي صلاح الدين عكسا الجانب المشرق للأطباء، و برهنا بدليل قاطع لا جدال فيه على واحدة من أهم رسائل الطب المقدسة والتي تقول (المناصب لا محالة إلى زوال.. ولكن الزمالة الطبية لا تفنيها سير الأيام والأجيال)
