📌 نائب اختصاصي الجراحة العامة د. ياسر محجوب يكتب : بكره طبيب راجل يتخصص نساء وتوليد..وأسمعوا مني قصة دكتور ساي دي

جالينوس الطبي الصحة من لدن خبير

📌 نائب اختصاصي الجراحة العامة د. ياسر محجوب يكتب :
بكره طبيب راجل يتخصص نساء وتوليد..وأسمعوا مني قصة دكتور ساي دي.

✍️ د. ياسر محجوب

⚫عشان ما تكونوا مستغربين لي انا بكره الميل البتخصصو أوبس فانا ح احكي ليكم قصتي مع الاوبس للمرة التانيه معانا ناس جداد هنا

⚫لامن زول يسألني أنت ما عايز تخصص أوبس لي !

بتذكر طوالي الموقف الحصل لي في ابراهيم مالك في الهاوس مان ، المهم انا كان جيت بدري زي 7 ونص كدا ، وطبعا بين ٧ ونص و ٨ ما بستقبلوا عيان جديد ، الا حاله طارئه شديد ، ودا وقت التسليم فالريجسترارز كانو بسلمو بعض وانا العبد لله قعدت براي في الER وكانت خلاء ، فالمهم في واحدة من الميد وايف وظيفتها بس تنهر الميل البجو خاشين الER ، المهم جاء عمك كدا معشق بنمرة ٥ خشا توشك لقاها ماف ، فخلاص عدا الباب الأول وماشي علي في الER ، قال السلام عليكم ، عندي زوجتي ي دكتور ، في اللحظه دي زولتنا ديك جات راجعة هرجت فيهو لامن قال بس ، وشبكتو ليك ماف راجل بعدي الخط دا ويخش هنا ، صحبي ولا كضب خبر ، طوالي اداني النظرة ديك ، وقال ليها واخونا القاعد دا ما راجل ، قالت ليه دا دكتور ساي وانا ولا كضبت خبر شلت شنطتي و طلعت وبقول وبعيد انا دكتور ساي كيف يعني 😂😂😂

⚫فأنا ما عايز اكون دكتور ساي فاهمني ! 😂😂😂