♨️مقال
📌 مبارك جعفر يكتب : مدير شالو والي سنار عينتو صحة الخرطوم
✍️ مبارك جعفر
◼️طبعا شعبنا الجميل عشان تكونوا في الصورة، وتعرفوا آخر تحديثات أخبار مستشفى أحمد قاسم للأطفال
الشغل التقيل بدا 🙂
◼️د. أحمد البشير عيّن شخص من إدارته يكون “مدير طبي” لمستشفى أحمد قاسم للأطفال، تحت إدارة د. يس 🙂
◼️قبل يومين، لو متذكرين، كان عملت تصويت، هل شايفين قرار وزير الصحة الخرطوم، وتراجعه عن تعيين د. هدى، هل شايفين انو تغيير حقيقي، وللا انحناء للعاصفة؟
أكثر من 95% من المصوتين قالوا دا انحناء للعاصفة ساي، لكن لوبي الصحة حيرجع تاااني لاحقا
أها الحصل شنوووو؟
◼️في نفسسس الوقت اللي تم فيه تعيين د. ياسين الأمير، يكون المدير الإداري للمستشفى، والشعب كله كبَّر وهلل، وزارة الصحة – الخرطوم أصدرت قرار تااااني كدا بدون ضجيج، وطبعا القرار بتوقيع الزعيم دائما “أحمد البشير”
القرار كان شنو؟
◼️د. روعة فتح الرحمن، الكانت المدير الطبي مع د. الإدريسي “الي هو المدير الإداري العااام” للمستشفى، قررت ما تواصل في عملها، تحت إدارة د. هدى “الفوضوها تمسك القلب والأطفال”
كيف يشيلوا د. الإدريسي بالشكل ده واستمر عادي في الشغل؟
◼️استشاروها تجي للوزارة، واعتذرت منهم، وقرروا يعينوا بدالها “د. محمد عز العرب”
ود. عز العرب جاي من وييين؟ من إدارة الطب العلاجي، الماسكها أحمد البشير زاااااااتو 🙂
◼️سبراااااايز
برضو حنقول نفس كلام الوزير داك “بنفتش في دكاترة وملاقين، فقررنا نختار د. عز العرب؟” 🙂🙂🙂
◼️بالمناسبة، من ناحية مهنية ساااي، وليست شخصية، شوف البوست السابق وآراء الأطباء والمواطنين عن “إدارة” المرشح الحالي :)
◼️طيب هل إنت عارف أيها القارئ العزيز إنو والي سنار كان أقال د. عز العرب ده لمن كان المدير الطبي هناك عشان جا الطوارئ الصباح ومااا لقى زول فيها، ولا أي طبيب؟ بس العيانين؟
◼️طيب يا وزير الصحة ولاية الخرطوم، لشنو تشيل زولة كفاءة ود. الإدريسي بيشهد ليها، وتقرر تجيب زولكم المُقال من إدارة مستشفى؟
شايفينه كفاءة أعلى؟ وللا عنده مهام تانية؟
بس سؤال يعني!!
◼️يفترض د. روعة ترجع حالا لمنصبها، بشكل واااااضح، وبلاش شغل لوبي الصحة الخاتي زولهم في أي حتة!!
دي مستشفيات وصحة ناس!
◼️د. روعة طبعا قدمت استقالتها من كل شي طبعا 🙂
◼️يا وزارة الصحة – الخرطوم
سؤال بسيط: على أساس أيتو معيار تم اختيار المرشح للمنصب ده؟
▪️ومتابعين معاكم 🙂
