جالينوس الطبي الصحة من لدن خبير
📌خواطر بعد انتهاء الديوتي والنبطشية// ضلع آدم تكتب : خاطرة اختصاصية عانس.
✍️ ضلع آدم (بتصرف)
📢⚫📣 أنا عمري 40 سنة غير متزوجة، اختصاصية مل السمع والبصر.. مشكلتي مع الزواج نفسه بقيت بشوف ما عندي رغبة فيه، وبراهو قيد لا صيد.. والأصعب من كده فقدان الشغف في العلاقات مثلا رشحوا لي واحد صراحة فيه كل المميزات البتتمناها البنات من استقرار ووظيفة ودراسة وعائلة لكن خارج المجال الطبي.. بعد فترة لقيت انا نفسي ماعندي طاقة اني أقدم شي في العلاقة دي.. تخيلو ردودي بتكون من غير لهفة بحس زي في مسرح تمثيل..والأسوء ماعندي أدنى إهتمام أعرف عنه أو اتقبل منه اي شي.. قلت لي نفسي يمكن شكله مااتقبلته في حين زمان كنت بشوف الشكل مامن الأوليات أو المقاييس.. وشوية شوية بدأ الفتور َالملل لدرجة ممكن أقفل تلفوني هرباً منو وفي النهاية قلت ليهو عشان مااعلقهو أنو بس مافي نصيب.. انا بستغرب جدا من نفسي لان أيام الجامعه كنت حابها فكرة الارتباط والزواج والطلعات والتعرف لكنها كانت ماموجودة ومامتوفرة.. والآن حاسة انو عايزه وعندي طموحات العرس والحب بكل تفاصيلها.. يعني أسافر وانبسط بنفسي واترقى واكون نفسي لكن لمن اشوف زملاء من المهنة بشوف انه ياريت الاقي نفس شغغهم واملهم.. والمشكلة ضغط الأهل انه عمرك بقى ضايع وشايفين دي أعذار مامقبوله..
🔥 كدي اخط القلم دا شكلو باب بيتنا قاعد يدق في نص الليل دا.. بكون زول عيان متضايق.. كدي برجع ليكم تاني.. دعواتكم
