جالينوس الطبي.. الصحة من لدن خبير 

📌حكاوي الجانب المظلم للأطباء //ما من أخلاقيات مهنة الطب تبشع لي عيان بي زميلك. 

✍️ بتصرف جالينوس الطبي 

⚫📣 طبيب غاضب :

يا اخوانا الطبيب بستفيد شنو لمن يفشل زميلوو الشاف ااعيان قبلو؟ … دا موقف حرقني شديد ما حصل لي انا حصل لي زميل لي ولمن جيت سديت في العيادة الشغال فيها زميلي دا لقيت الخبر حايم في الحلة انو الدكتور أدى المريض (حبوب السيبروو) وهي قامت عملت لي العيان جلطة، والطبيب القابلو في أم درمان ما بعرفو إذا كان اخصائي أو عمومي قال ليهم كل المشكلة من مضاعفات العلاج الكتبو ليكم الدكتور داك…تخيلو😱

… الكلام بالطريقة دي غير مهني وما فيهو فائدة لا للمريض ولا للأطباء… التصرف بالطريقة دي بيكسر ثقة المريض في أغلب الأطباء.. وممكن أظلم زميل من غيروجه حق.

🔳 رسالة الطب المستنير تقول : كل زول بي رزقو وما من الأخلاقيات تبشع بي زميلك قدام مريض بعد ما جاك من؟ .. 

انا كاميديكال لمن اسمع يقولو لي دكتور فلان شاطر اوأشطر من فلان بقول ليهم كلهم شاطرين كلهم درسو واجتهدو ووصل لي مرحله اخصائي واستشاري مابالسهوله بتختلف طريقه العلاج.. السودان كلو بروتوكولات متجدده الأدوية مختلفه الدكتور المشيت ليهو ببذل مجهود والشفاء بيد الله وبقول ليهم في النهايه دي اسمها راحه نفسيه انت عايز تمشي لي فلان أمش ليهو لكن ما تقول د. فلان داك ماشاطر ومابعرف..

كلهم قرو الطب الواحد دا واتخصصو التخصص الواحد دا واي زول وخبرتو

حقيقي الناس بتعمل كدا مريضة الله يشفيها.