📌نافذة التمريض // اختصاصي تمريض صالح عويمر يكتب : يا ممرض تعمل شنو لو مريض اتعدى عليك؟

جالينوس الطبي الصحة من لدن خبير 

📌نافذة التمريض // اختصاصي تمريض صالح عويمر يكتب : يا ممرض تعمل شنو لو مريض اتعدى عليك؟ 

✍️ اختصاصي تمريض صالح عويمر 

🔳الموقف ده هو “الخط الأحمر” في مهنتنا. إحنا جيش أبيض ورسالتنا إنسانية، بس ده لا يعني أبداً إن كرامتك أو سلامتك الجسدية مستباحة.

✅وبالمناسبة ده من أهم أسئلة الإنترفيو ✅

 التعدي (Verbal or Physical Abuse) موقف محتاج ثبات انفعالي وتصرف “قانوني” وسريع عشان تحفظ حقك وهيبة المهنة. 

🛡️ الجانب النفسي والقانوني هنا أهم من أي حاجة تانية.

🟥طيب يا عم صالح هتتصرف إزاي ؟

👀بص يا صديقي العزيز 👇

🧩الموقف ده حرج جدا ولازم ترجع لسياسة المستشفي أو المكان اللي حضرتك شغال فيه. 

طيب لو مش عارف السياسات هتعمل إيه ؟ بص يا سيدي 👇

🎟️🎟️🎟️🎟️🎟️🎟️🎟️

🛑 أولاً: التعدي اللفظي (الشتيمة أو الإهانة) 🗣️🚫

1️⃣ قاعدة الـ “Zero Tolerance”: 🧘‍♂️

❌ ممنوع ترد الشتيمة بشتيمة. لو شتمت، أنت ضيعت حقك وبقيت “طرف في خناقة” مش ممرض محترف.

🎤 الرد:”يا فندم أنا مقدر تعبك، بس مش هسمح بالتجاوز ده عشان أقدر أكمل شغلي معاك”. 

لو استمر، انسحب من الغرفة فوراً (إلا لو الحالة “إنعاش” أو حرجة جداً، وقتها بتطلب حد يحضر معاك).

2️⃣ التصعيد الفوري:📈في نفس الوقت مش بعدها ب3 شهور👀

بلغ “الهيد نيرس” (Head Nurse) أو “الإتشارج”. لازم الكل يعرف إن فيه تجاوز حصل .

🟥وأهم نقطة لو حالة المريض حرج لازم تطلب دعم فوري وما تسيبش المريض بدون بديل 

🎟️🎟️🎟️🎟️🎟️🎟️🎟️🎟️

🚨 ثانياً: التعدي الجسدي (الضرب أو الدفع) 🥊⚠️

1️⃣ السلامة الشخصية أولاً (Self-Defense): 

🔴 ابعد عن المريض فوراً. اخرج من الغرفة واقفل الباب لو لزم الأمر. مصلحتك وسلامتك أهم من أي إجراء طبي في اللحظة دي.

🔴اطلب “الأمن” فوراً (Code أو نداء الأمن الداخلي).

2️⃣ لا تلمس المريض: ✋حتى لو ضربك، حاول متضربوش (إلا في حالة الدفاع عن النفس القصوى لمنع أذى أكبر). 

رد الفعل الجسدي منك ممكن يتقلب ضدك قانونياً إنك “اعتديت على مريض أعزل”.

🎟️🎟️🎟️🎟️🎟️🎟️🎟️🎟️

⚖️ ثالثاً: الخطوات القانونية (The Paperwork) – أهم جزء! 

✅هنا لازم تسأل ع السياسة ولو ما لقيتش الإجابة عشان حقك ميروحش “هدر” وسط اعتذارات واهية، لازم تعمل الآتي:

 🟨 تقرير واقعة (Incident Report): 📝  تكتب بالتفصيل: الساعة كام، مين اللي اعتدى، اتقال إيه بالظبط، ومين الشهود (زمايلك أو مرضى تانيين).

 🟨 محضر إداري: يتم إبلاغ إدارة المستشفى رسمياً لعمل محضر داخلي.

🟨 المحضر الرسمي (نقطة الشرطة): 👮‍♂️ من حقك تطلب عمل محضر في “نقطة شرطة المستشفى”… الاعتداء على “موظف عام أثناء تأدية عمله” جريمة يعاقب عليها القانون بشدة. ممنوع تتنازل تحت ضغط “معلش ده مريض وتعبان”، إلا لو أنت فعلاً مقتنع إن حالته العقلية غير مسؤولة تماماً.

🎟️🎟️🎟️🎟️🎟️🎟️🎟️🎟️

🛑 وخد كمان تريكات أبو الصلح (عشان تحمي نفسك):

🧩 التوثيق الطبي: لو المريض “واعي ومسؤول” (Oriented) واعتدى عليك، لازم تسلم زمايلك وتعرفهم وكمان يتكتب في التذكرة إن المريض “عدواني وغير متعاون”. ده بيحمي الفريق الطبي اللي هيتعامل معاه بعدك.

 🧩 تغيير التمريض: اطلب رسمياً إنك متتعاملش مع المريض ده تاني (Reassignment) لضمان حياديتك في تقديم الخدمة وسلامتك النفسية و ده حقك.

🎟️🎟️🎟️🎟️🎟️🎟️🎟️🎟️

💡 لو المريض ‘مريض نفسي’ أو ‘فاقد للوعي’ واعتدى عليك. في الحالة دي المريض “غير مسؤول قانوناً”.وليس علي المريض حرج وبنتعامل مع الموقف كـ “عرض مرضي” محتاج علاج مش كـ “جريمة”.

🔺كرامتك من كرامة المهنة، والتمريض القوي هو اللي بيعرف ياخد حقه بالقانون والأدب.