📌 د. عرفة أحمد تكتب :أسرار غرفة العمليات الجراحية ..ممكن يادكتور تقع أو يغمى عليك أو تستفرغ

جالينوس الطبي الصحة من لدن خبير 

📌 د. عرفة أحمد تكتب :أسرار غرفة العمليات الجراحية ..ممكن يادكتور تقع أو يغمى عليك أو تستفرغ. 

✍️ د. عرفة أحمد 

🔷لما تكون طالب طب ونزلت راوند في الجراحة أو الأوبس، أو طبيب امتياز استلمت العمل في واحد من الشفتات دي.

 أول ما تخش غرفة العمليات حتكتشف إنها عالم مختلف تماماً….

♦️بتبدأ من الخطوط الحمراء المرسومة على الأرض في كل حتة.

حتعرف إن الغرفة معقمة، ومرات كتيرة بتلمس حاجات ما مفروض تلمسها، وفي اللحظة دي بتسمع كمية من الأصوات في وقت واحد بتقول ليك:

“لاااااااااااااااااااااااا!”

🔺دايماً بكون في خلعة البدايات، من الجرّاحين البكونوا بضحكوا وبتونسوا، وفجأة الجو بقلب توكسيك.

ريحة الدم…

صوت المونيتور…

صوت ال Dithermy و ريحته 

الإضاءة العالية…

🔷دايماً برسلوك عشان تجيب حاجة، تمشي تجيبا وتجي تلقاهم لقوها وعملوها!

الاسكرب الما مفروض يطلع برا الغرفة.

♦️تعرف كيف تغسل غسيل جراحي و كيف تلبس القاون و كيف تلبس القلوفز الجراحي 

 تعرف معناة كلمة team work .. لانه داخل غرفة العمليات كل من يودي عمله مهم

الـ Complications سواء من الـ Surgery أو الـ Anesthesia.

🔺أول مرة، وأول عملية، ممكن تقع أو يغمى عليك أو تست*فرغ. دا ما معناه إن الجراحة ما بتنفع معاك، أو إنو دا ما ممكن يكون لاينك.

لكن حصل ليك Vasovagal Syncope، يعني انخفاض مفاجئ في ضغط الدم ومعدل ضربات القلب بي سبب الدم أو المشارط أو التوتر .

🔷بعدها بفترة بعد كنت ما بتقدر تكمل عملية كاملة بتبدا تحضر اتنين و تلاتة ورا بعض و عااادي ما يحصل ليك حاجة

ح تتعلم تعمل management للمواضيع 

💢كل التفاصيل الصغيرة دي، وأكتر، بتلقاك جوّا غرفة العمليات… وبتساهم في إنها تصنع منك طبيب أقوى وأفضل.

📢 ورونا تجاربكم وأول مرة ليكم في غرفة العمليات.

📢دايماً بكون في مواقف ما بتتنسى، احكوها لينا.

📢 تاقي صحبك خلي يورينا بحب الثييتر ولا لا✒️ د. عرفة أحمد