♨️ تثقيف صحي 

📌 د.أحمد عدلان يكتب : البليلة عشان ترفع دمك صح! 

📢 هل البليلة بترفع الدم؟

◼️كثير من الناس بتعتمد على البليلة العدسية كعلاج لفقر الدم الانيميا (Anemia)

والحقيقة إنها فعلاً “بنك” للحديد وحمض الفوليك الضروريين لإنتاج كرات الدم الحمراء (Erythropoiesis).

لكن، في معلومة طبية صغيرة بتحدد هل جسمك هيستفيد من الحديد ده ولا هيطلع زي ما دخل!

👈 خلوني اوضح ليكم انواع الحديد في الطبيعة

◼️ الحديد الموجود في اللحوم هو (Heme Iron) بيمتصه الجسم بسهولة جداً.

لكن الحديد الموجود في النباتات والبقوليات زي العدسية بيُسمى (Non-Heme Iron).

◼️عشان الأمعاء تقدر تمتص الحديد النباتي ده، لازم يتحول من صورته الكيميائية المعقدة حديديك Fe^{3+} (Ferric) لصورة سهلة الامتصاص حديدوز Fe^{2+} (Ferrous).

◼️وهنا بيجي دور فيتامين سي (Vitamin C).

عصرة الليمون في صحن البليلة ما عشان “الطعم” بس؛ فيتامين سي بيشتغل كـعامل مختزل (Reducing agent) قوي جداً، بيكسر الروابط المعقدة وبيحول الحديد للصورة ابيعشقها الجسم، وده بيضاعف نسبة امتصاص الحديد لـ 3 أضعاف!

⚠️ عشان البليلة تزيد دمك صح، لازم تتجنب العادات دي:

⭕️ممنوع شراب شاي بعد البليلة مباشرة:

التانين (Tannins) الموجود في الشاي بيعمل (Chelation) وبيرتبط بالحديد في المعدة وبيمنع امتصاصه تماماً.

لازم نفصل بينهم بساعتين على الأقل.

⭕️ قشرة البقوليات فيها مادة اسمها “حمض الفيتيك” (Phytic Acid) بتعيق امتصاص المعادن.

الحل البسيط هو انك تنقع البليلة من بدري فترة كافية في الموية وتغيير موية النقع قبل السلق، ده بيكسر الحمض وبيحرر الحديد.