📌نافذة التمريض //معتز أحمد عبدالله يكتب : الناس البتاكل ( أم فتفت) يوم الجمعة هاك النصائح دي.

جالينوس الطبي الصحة من لدن خبير.

📌نافذة التمريض //معتز أحمد عبدالله يكتب : الناس البتاكل ( أم فتفت) يوم الجمعة هاك النصائح دي.

✍️ معتز أحمد عبدالله

🔥جمعة سعيدة.. جمعتكم طيبه.. فوائد أكل ام فتفت… لو بتحب تاكل ام فتقت البوست دا ليك عشان تعرف الفوائد …

🔳ناس كتار بيعتبروها من تقاليد الجمعة ، وفي ناس بيقولوا : لو ما أكلت الأمفتفت، ما حسيت بالجمعة 

لكن خليك معاي دقيقة…المشكله ما في الطعم، المشكلة في الصحة.. المشكلة وين؟ 

. 🔳المشكلة الأمفتفت دي بتكون مليانة بكتيريا وطفيليات لو ما إتنظفت تمام، والموية البتغسل بيها مرات ما بتكون نقية، والجو حوالين الخروف فيهو تراب وذباب، يعني ببساطة…اللذة دي ممكن تنقلب لي مغصة وإسهال وإستفزاغ بعد ساعتين. 

🔺الأمراض الممكن تجي من الأمفتفت النيّة:

– بكتيريا زي E. coli. 

– طفيليات زي الجيارديا. 

– احتمالية تسمم غذائي خصوصاً للأطفال وكبار السن. 

💢 عشان كده لو مُصرّ تاكلها، غسلها كويس بالموية الجارية، 

وخلي الأدوات البتستخدمها تكون نظيفة، ويفضل تتغلى شوية أو تتحمّر خفيف… يعني ما ضروري تكون نية خالص

☘️🤲 جمعة سعيدة، وبطنك أسعد 😁

ام فتفت دي عندي مهم شديد بصراحه وبحبها كمان.