📌مبارك جعفر يكتب : المجلس الطبي السوداني سبب الانهيار النفسي لكثير من الأطباء السودانيين
مبارك جعفر
جالينوس الطبي الصحة من لدن خبير
📌مبارك جعفر يكتب : المجلس الطبي السوداني سبب الانهيار النفسي لكثير من الأطباء السودانيين.
✍️مبارك جعفر
🔥أكاد أقسم أن كثيرا من الأطباء وصل لمرحلة الانهيار النفسي
كان الله بعونكم وأعاننا لندعمكم ❤️
ستُفرج بإذن الله
🔺🔺🔺🔺🔺🔺🔺🔺🔺🔺🔺🔺🔺🔺
👇🏼👇🏼👇🏼👇🏼👇🏼👇🏼
📢⚫إلى المجلس الطبي، وشهادة عيان من أطباء دارفور ومعاناتهم المهددة للحياة🛑🛑
📣⚫📢
الرسالة من الدكتورة م. م:
أول شي شكرا يا مبارك وجزاك الله خير ع مبادرتك الطيبة
🔳أنا طبيبة تخرجت 2022، يعني لي أربعة سنين من اتخرجت. قبل الحرب مباشرة اشتغلنا الامتياز بنظام الاتاش وفي ظروف قاسيه شديد، وف عز الحرب كنا بنخاطر عشان ما نقطع الامتياز. علما أي قاب أو غياب حيلغي ليك الشفت كامل، خلصت الفترة بدون ما يرسلو لينا التسجيل التمهيدي، وكنا مجموعة كبيرة شديد من الأطباء، مرة يقولوا فقدنا الداتا ومرة يبيعوا لناس معينة التمهيدي!
🔳انتظرنا قرابة السنتين حتى وصلتنا بدينا ف جرجرة إنه الاتاش ما معتمد إلا تقضي الامتياز من جديد تخيل!قلنا خير وقدمنا وخلصنا وتم اعتمادنا
🔳بقت المشكلة ف الامتحان من شهر ١٢ نحنا منتظرين الامتحان دا وجاهزين. الليلة جيت أسجل المراكز قفلت! تخيل قفلت خلال دقيقيتن فقط وف ناس من الدقيقه الأولى م فتحت معاهم تخيل نحنا صاحين من ٦ صباحا ومنتظرين، وهاجرنا مكان الاستارلنك عشان الشبكة!
🔳أربعة سنين من عمرنا لا بقينا أطباء ولا عارفين روحنا طلبة. زملاءنا الليلة نواب أخصائيي،ن وف جزء قرب يخلص الفترة ويبقى أخصائي ونحنا مزوالة مهنة ما عندنا تخيل!!!
🔳طبعا دا ي مبارك بعيدا عن إنه نحن أكتر من 200 طبيب نزحنا من ولايات دارفور لتشاد، ومستعدين نتكفل بتكاليف المركز بس رفضوا يعملوا لينا مركز ف تشاد بدون أي مبرر، وقالو إلينا إلا تجو السودان أو مصر
🔳وماف طريق أصلا ممكن نطلع بيه لشمال السودان لأنه خطر على حياتنا، والطيران من أنجمينا سعره مليارات الجنيهات يعني ما منطقي ترفض مركز بدون سبب تي سبب رغم انه بمبادرتنا
البخليك تعمل مركز ف مصر ودويلة الشر عديل وترفض مركز تشاد شنو ؟؟؟
🔳نحنا أهلنا ماتو ف الفاشر، أخوانا في المشتركة وأبهاتنا كانوا في الجيش! خطر على حياتنا نخاطر نعبر أماكن سيطرة الدعم السريع عشان نصل الامتحان دا لو ما اتقتلت
🔳ورغم ذلك حاولت احجز ف مركز بورتسودان عشان أتصرف أسافر وامتحن. المركز قفل في دقايق
🔳مفروض احجز التذكرة الحمد لله انتظرت الحجز للامتحان قبل السفر وإلا كان اكون خسرت من كل الجوانب انتهت رسالتها.
