📌في اليوم العالمي للمختبرات الطبية 15 إبريل /طبيب مختبر د. عماد عبدالعزيز محمد عبدالعزيز يكتب : قصيدة عشق في تخصص المختبرات الطبية
د. عماد عبدالعزيز محمد
♨️ ذاكرة صحية
📌في اليوم العالمي للمختبرات الطبية 15 إبريل /طبيب مختبر د. عماد عبدالعزيز محمد عبدالعزيز يكتب : قصيدة عشق في تخصص المختبرات الطبية.
✍️ د. عماد عبدالعزيز محمد
☘️مختبرات يا أم الملا…
سكر نبات وعصير عنب زايد حلا…
الحان طرب دقات دفوف انغام موسيقي ودندا….
ايه العظيم ايه الفخيم في دفترك مامُسجلا
والله في حضرة علاك رشة تراب مابنحملا
فيك المكاتب والنشاط
كل الشُعب بي معملا…..
وفيك ميكرو ام العلوم
اخطر علومنا المزهلا…
كل الجراثيم والمرض
بي خطوه واحده بنعملا….
نزرع هنا ونزرع هناك في لحظه بس ما أسهلا…
والفيبريو(vibrio)مهما عصت
حبة اقار ونيوترشن زايد هدوء بنكلشرا…
تقرير بسيط حبة وصف زايد علاج بنسفرا….
مستعمرات في كل طبق أعداد مهولا مجمهرا….
دعواتنا ليك ياميكرو انك تسير الي العُلا… 🔬🔬🔬🔬🔬🔬🔬🔬🔬
اما الكلام الاحلي جد في الانسجه…
لوشفتها امراض عظيمه مجفلا..
سرطان كبد سرطان دماغ
اورام خطيرا معمرا….
حتة بيوبسي من التشو
نقدر نجيب ليك اولا….
بي ميكروتوم سيد القسم
اجمل اداة بس منقلا…..
يافورمالين يافكستف
يا إتزان ياجوهرا…
اعظم مثبت للتشو بديها لونا ومنظرا…
ومافيك كلام يا انسجه سيد العلوم ياسنترا…. 🔬🔬🔬🔬🔬🔬🔬
وفيك الطفيل مايسوي شئ
بي مجهرك الصوره الف نكبرا…
ولو فيك كمان ديدان تراب الحته جت بنمترا…
تحضير بسيط تركيز مواد
والقارديا نستأصلا من آخرا….
لا ملاريا لا اوجاع بطن وأمراض كتيرا مُعاصرا….
فيك الجميل ياناس طُفيل فيك الإيدين الماهرا…. 🔬🔬🔬🔬🔬🔬🔬🔬🔬
لكن تعال شوف الكلام شوف النظام بالمسطرا….
شوف القسم شوف العلوم ما اخطرا…
كاشف رقم للدم عديل حتي الانيمياء يظهرا…
يقدر يقيس ليك اتش بي وحدات دقيقه مصغرا…
كو اقيوليشن للجسم قطرات دمائنا بستِرا….
وبلوود قروب وتفاعلات أشياء كتيرا نقدرا…
ومسحات كمان علي الزجاج حاجات عظيمه ومُبهرا….
علم كبير ياهيم بجد ياروح علومنا المُزهرا….
🔬🔬🔬🔬🔬
ولو ما اكتفيت أدخل وشوف المفخرا….
ناس الشوقر كيتون بودي عمل الكلا…
اهل القياس ناس الحساب اعداد دقيقه منمرا…
كل اورقنك نون اورقنك يقدر يقيسا يجسطرا…
هرمون يزيد هرمون يقل في لحظه بس بنفسرا….
واليوريا واحماض اسيد كيماويات بنفجرا…
نحن الهدوء نحن الجمال ناس القلوب الآسرا… 🔬🔬🔬🔬🔬🔬🔬🔬🔬
ياها العلوم العندنا ناضمات عقودا مكملا…
كل العلوم في حضرتك مابتسوي شئ
لا إقتصاد لاطب كمان لاصيدلا…
خلونا نثبت للنفوس انو العلم مابُيشترا…
وانو العلم اثبات وجوجود وعمل دؤوب فيو مسألا….
نحن القديم نحن الجديد نحن الحلول للمشكلا…
ونحن الكواشف للمرض نحن العلاج نحن العلا…
دايرين عدل دايرين حقوق دايرين طرقنا مسهلا…
ادونا بس حاجتين بُساط …راحه نفس وحبة قروش
نقدر نصنع قُنبلا…
مختبرات يا أم الملا…
☘️من كتاباتي وأشعاري: عماد عبدالعزيز محمد عبدالعزيز.. مختبرات الإسلامية.
