📌د.أحمد عدلان يكتب : في  ذكرى قافلة صحية..يادكتور اللبن مرات بنشربو ساااي من الضرع

جالينوس الطبي الصحة من لدن خبير 

📌د.أحمد عدلان يكتب : في  ذكرى قافلة صحية..يادكتور اللبن مرات بنشربو ساااي من الضرع. 

✍️ د. أحمد عدلان 

📢⚫ اتصلو لي طلبة طب وقالوا لي يا دكتور أحمد عايزنك تمشي معانا قافلة صحية

قلت ليهم خلاص ما مشكلة منها نعالج عيانين ومنها نلقى حسنات

وكانت قافلة صحية مجانية في منطقة ريفية في الجزيرة

الجو كان حر، والزحمة شديدة، والناس جايين من كل مكان…

🔳في وسط الزحمة، دخل عليّ شاب في التلاتينات، شكله منهك… عينو واقعة، وتعبان شديد.

قعد قدامي وقال لي:

دكتور… والله لي أكتر من أسبوعين، جسمي مكسر، وسخانة بتيجي وتروح Undulant Fever…

وعرق عرق كثير خاصة بالليل ، وما عندي نفس لأي حاجة، لا أكل لا شُغل…”

🔳سألته:

عندك كحة؟ استفراغ؟ وجع بطن؟ إسهال؟

قال لي: “لا يا دكتور

بس فتور عام وبحس مفاصلي كلها بتوجعني، خصوصًا الركبة

قِست ليهو الضغط ودرجة الحرارة، الضغط عادي، لكن درجة الحرارة كانت 38.2

🔳كشفت على بطنه؟

ماف تضخم في الكبد ولا في الطواحل

ما عندو يرقان ظاهر

ماف اي طفح جلدي

لكن… ظاهر عليه المرض والتعب الشديد 

🔳انا في الأول قلت دي ممكن تكون ملاريا…

أو التهاب فيروسي 

لكن دائما ما بحب استعجل في التشخيص …

🔳سألته : إنت شغال شنو؟

قال لي :

أنا عندي دكان في بيتي شغال فيه

وشغال ببيع بهايم لانو مربي غنم وضان وبقر في البيت

قلت ليه اللبن بتشربه من الغنم و البقر طوالي صاح 

قال لي: معقولة يا دكتور نحن ما حناكيش اللبن مرات بنشربو ساااي من الضرع، وما بنحب نغليه كتير عشان طعمو.

هنا طوالي انتبهت قلت دي احتمال كبير حمى مالطية

ودا مرض بكتيري مزمن، سببو بكتيريا من جنس Brucella، أشهرها:

Brucella melitensis (الأشد والأكثر شيوعًا في الإنسان)

Brucella abortus

Brucella suis

🔳بينتقل عن طريق:

اللبن الني 

الجبنة البلدية 

الالتماس المباشر مع الحيوانات 

أو حتى بالاستنشاق، خصوصًا في العاملين في المسالخ والمختبرات البيطرية

عملنا ليه فحص المالطية لحسن حظه كان موجود وطلع فعلا عالي جدا

🔳بديت ليه العلاج الثلاثي:

Doxycycline 100 mg مرتين يوميًا

Streptomycin مرة يوميًا

يبلعهم الاثنين لمدة 3 أسابيع و يوقف ال Streptomycin 

ويواصل بي ال 

Doxycycline 

ثاني ثلاثة أسابيع 

🔳ولو الحالة فيها مضاعفات زي التهاب في العظام أو الأعصاب بنضيف دواء Gentamicin.

واتذكر دائما يا صديقي الطبيب كلام 

Harrison’s Internal Medicine

 القالوا فيه:

“Brucellosis should be suspected in any patient with prolonged fever, malaise, and arthralgia, especially those with occupational exposure to animals or consumption of unpasteurized dairy products.”

وقال العالم الفرنسي

 Dr. Emile Roux:

“Brucellosis is the great imitator — it mimics a thousand diseases but declares itself only to the curious mind.”

وده فعلًا اللي حصل… الفضول السريري هو البينقذ.

الشاب كتبنا ليه العلاج والحمد لله، وكان شاكر شديد لينا.

🔳واختم كلامي بي اقتباس علمي عميق من البروفيسور الأمريكي 

Paul H. Cox:

“The difference between a good clinician and a great one is the ability to recognize the uncommon in the common.”