جالينوس الطبي الصحة من لدن خبير
📌د. أحمد عدلان يكتب : الناس البغلو الشاي شديد أعملوا حسابكم.
✍️ د. أحمد عدلان
🔳يا ناس الشاي في حد زاته ما بعمل انيميالكن الشاي بيحتوي على مركبات كيميائية اسمها التانين Tannins والبولي فينول Polyphenols
المواد دي بتشتغل كـ Chelators
يعني أول ما تلاقي حديد في المعدة
بتعمل معاه ارتباط كيميائي
وبتكون مركب غير قابل للامصاص Insoluble Complex
حتى الأمعاء الدقيقة ما بتقدر تمتصه
فبيطلع من جسمك مع الفضلات.
🥗 الشاي عدو للحديد الموجود في المصادر النباتية
البقوليات Legumes: الفول، العدس، والفاصوليا.
الخضروات الورقية : السبانخ والجرجير.
الحبوب : القمح والذرة.
🥩 الأطعمة الما بتتأثر بالشاي :
الحديد الموجود في اللحوم الحمراء والكبدة
ده تركيبه الكيميائي محمي، والشاي تأثيره عليه ضعيف جداً
✅ لو عايز الشاي ما يأثر على مستزى الحديد البتاكله :قاعدة الساعة
خلي فاصل زمني ساعة لـ ساعتين بعد الأكل Post-prandial عشان تضمن اكتمال عملية الامتصاص.
فيتامين سي Vitamin C / Ascorbic Acid:
لو عصرت ليمون مع الأكل
الحمض ده بيكسر مادة التانين وبحول الحديد لصيغة سهلة الامتصاص
🔳تجنب الشاي الثقيل :
كل ما زاد غليان الشاي، زادت نسبة ماد التانين
وزاد منع امتصاص الحديد.
ما تغلي الشاي كثير
