♨️ تثقيف صحي عام
📌أشرف جعفر يكتب : مشاركة الأدوية بين الناس أخطر مما تتصور !!
✍️ أشرف جعفر
📢 في ناس كتار في السودان عندهم عادة يقولوا :“الحبوب دي نفعتني… جربها إنت كمان”
💹 لكن الحقيقة إنو مشاركة الدواء بين الناس ممكن تسبب مشاكل كبيرة .
⚫ ليه؟
▪️1/ المرض ما واحد
ممكن تكون الأعراض متشابهة ، لكن السبب مختلف . الدواء المناسب لي زول ممكن يضر زول تاني .
▪️2/ الجرعة بتختلف
الدواء بيتحدد علي حسب العمر ، الوزن ، والحالة الصحية . نفس الحبة ممكن تكون زيادة أو قليلة لزول تاني .
▪️3/ حساسية الأدوية
في ناس عندهم حساسية من أدوية معينة ، ولو أخدوها ممكن تدخلهم في مشكلة خطيرة .
▪️4/ المضادات الحيوية تحديداً
أخذها بدون تشخيص صحيح ممكن يعمل مقاومة للمضادات الحيوية ويخلي العلاج بعدين أصعب .
▪️5/ إخفاء مرض خطير
الدواء ممكن يخفف الأعراض مؤقتاً ويخلي المرض الحقيقي يتأخر اكتشافه .
🔲 الخلاصة :
الدواء ما زي السكر ولا الشاي عشان نتشاركوا بين الناس…أي دواء لازم يكون بوصفة أو استشارة طبية
📌 لو حبة نفعت مع زول… ما شرط تنفع معاك .
