✍️ شندي //سماح صلاح تكتب :إلى المدير الطبي مستشفى شندي التعليمي: منعتوا دخول الأكل بحجة الاستثمار في كافتريتكم المليارية دي
سماح صلاح
جالينوس الطبي الصحة من لدن خبير
✍️ شندي //سماح صلاح تكتب :إلى المدير الطبي مستشفى شندي التعليمي:
منعتوا دخول الأكل بحجة الاستثمار في كافتريتكم المليارية دي.
✍️ سماح صلاح
🔳عشان أجيب مريض للمستشفى، لازم أجهز “مليار” عشان وجبة المرافق، عشان يقدر يقيف على حيله ويراعي المريض… قبل ما يبقى هو المحتاج رعاية.
🔳و “مليار” تاني للأكل من الكافتيريا الاستثمارية حقتكم، عشان المرافق ما يموت من الجوع وهو واقف مع المريض 24 ساعة.
منعتوا دخول الأكل بحجة الاستثمار؟
تستثمروا في مستشفى؟ أمشوا اعملوها في حديقة ترفيهية!
🔳طيب السندوتش البسعر فندق خمسة نجوم دا… نضيف؟ بشبع؟
كافتيريا استثمارية داخل مستشفى حكومي؟ معقولة بس!المريض جاي موجوع، ما جاي مشروع استثماري ليكم.
🔳لو ما قادرين توفروا وجبة مجانية للمحتاج أو للمرافق، على الأقل خلوا الناس تدخل أكلها.
ونزّلوا سعر التذكرة والأسعار.
