♨️ تثقيف صحي عام
د.أحمد عدلان يكتب: يا الممتحن الشهادة السودانية.. كلمتين ليك يا بطل.
✍️ د. أحمد عدلان
📣⚫ رسالة لكل إخوانا وأخواتنا الممتحنين شهادة
للناس التعبت وسهرت، وللبيوت الصابرة وراجية الفرحة:
✨ كلمتين ليك يا بطل:
عارفين إنو الأيام دي ضاغطة، والتوتر شديد
لكن خليك متأكد إنو “ربك ما بيضيع تعب زول”.
الخطوة الفاضلة دي هي الأهم، خليك ثابت، استعصم بالصبر، وخت في بالك إنو الفرحة الجاية بتنسيك كل السهر ده.
💡 تذكار بسيط قبل ما تمسك القلم في الامتحان:
👈سمّي واستعجل بالراحة:
أول ما تقعد، سمّي الله وخد نفس عميق.
الهدوء دا حيكون سبب نجاحك .
👈 ركز في ورقتك:
ما تشغل بالك بالناس الحولك، ركز في سؤالك
ما تخاف المكتوب في راسك ده كلو بيطلع بإذن الله.
👈دعوات الوالدين:
دي السلاح السري، اتوكل على الله وأمشي ببركتهم.
🤲 دعواتنا ليكم من جوه القلب:
”يا رب يا كريم، سهّل عليهم كل صعب، وافتح بصيرتهم، واجعل الامتحانات دي هينة لينة زي شراب الموية.
اللهم فرّح قلوبهم وقلوب أهاليهم بالنجاح البيرد الروح.”
☘️في الختام:
إنتو قدرها، ونحنا والله واثقين فيكم وفي همتكم. شدوا الحيل، بكرة القعدة بتبقى حكاية، والنجاح بيبقى فرحة مالية البيت.
كل الأمنيات ليكم بالتوفيق والسداد! 🎓
