♨️ مقال 

📌 د. ياسر محجوب يكتب: الباطنية تشخص والجرّاح يخلص القصة 

✍️✍️ د. ياسر محجوب 

🔥في استراحة الأطباء في المستشفى…👇🏻👇🏻

♦️الجراح قاعد يشرب في شاي، دخل عليه بتاع الباطنية شايل ملف كبير. 😄

🔹دكتور الباطنية:

يا دكتور، عندي ليك مريض محتار فيهو شديد.

♦️الجراح:

قبل ما تقول أي حاجة… جايني منكم بعد كم تحليل؟

🔹طبيب الباطنية:

والله بس شوية …

CBC، LFT، RFT، CT، MRI…

♦️الجراح :

يا زول دا مريض ولا مشروع تخرج؟! 😂

🔹دكتور الباطنية:

نحن ناس الباطنية بنفهم المرض قبل ما نعالجو.

♦️الجراح يضحك:

وأنا ناس الجراحة بنعالج قبل ما المرض يفهمنا!

🔹طبيب الباطنية:

لكن إنتو يا الجراحين عندكم حل واحد:

لو الزول قال بطني بتوجعني… تقولوا “نفتح نشوف.”

♦️الجراح:

أحسن منكم…

المريض يقعد معاكم شهرين، وفي النهاية تقولوا:

“والله احتمال زايدة… أمشي الجراحة.” 🤣

🔹طبيب الباطنية:

لكن نحن عقولنا كبيرة…

التشخيص عندنا فن.

♦️الجراح:

صحيح… عشان كده لما تشخصوا تقولوا:

“ممكن يكون كذا… أو كذا… أو كذا.”

🔹دكتور الباطنية:

طيب إنتو؟

♦️الجراح:

نحن بسيطين…

نفتح… نشوف… نصلح… نقفل… نمشي نشرب شاي. 

🔹دكتور الباطنية:

لكن يا دكتور، الجراحة مخاطرة.

♦️الجراح:

وأنا شايف انو المخاطرة أكبر لامن تقعدوا تعالجوا المريض بالأدوية لحدي ما المريض يزهج منكم ويمشي! 

🔹دكتور الباطنية:

طيب قول لي الصراحة…

لو مريض جاك قال ليك عندي صداع؟

♦️الجراح يبتسم:

أحوله للأعصاب…

لكن لو الأعصاب ما لقوا حاجة…

تعالوا نفتح نشوف! 

🔹دكتور الباطنية يضحك:

والله يا الجراحين قلوبكم باردة شديد.

♦️الجراح:

ما باردة…

لكن بعد أول مرة فتحت بطن مريض،

أي حاجة بعدها بتبقى عادية.

🔹طبيب الباطنية:

طيب اسمع… المريض الجايبوا ليك دا…

♦️الجراح يقاطعه:

خلاص فهمت…

بعد شهر تحاليل اكتشفتوا إنو فتاق صح؟

🔹دكتور الباطنية:

♦️الجراح يرفع حاجبو:

صح؟

🔹دكتور الباطنية:

صح.

♦️الجراح يضحك:

يا زول لو جبتو لي من أول يوم…

كان زمان خلصنا العملية وشربت معانا شاي كمان! 

◼️وفي النهاية الاثنين يضحكوا…

لأن الحقيقة في المستشفى:

الباطنية تشخص… والجراح يخلص القصة.