- ♨️ تثقيف صحي
📌 د. أحمد عدلان يكتب :
يا دكتور بشرب ( شيشة) في رمضان
✍️ د. أحمد عدلان
◼️تعال نديكم أولاً نبذة عن تاريخها شوية
بدأت الشيشة في الهند في القرن السادس عشر.
كانت بتُصنع قديماً من جوز الهند
تطورت الشيشة في الدولة العثمانية في تركيا
وأصبحت رمزاً للمكانة الاجتماعية
في تسعينيات القرن الفات حدثت طفرة
ابتكروا التبغ الممزوج بالجلسرين والنكهات حقات الفواكه
قاموا سموه المعسل
ودا خلاها مقبوله أكثر للشباب وللنسوان
ودا خلاها تنتشر عالميا
◼️نجي للمقارنة بينها والسيجارة
حسب كلام منظمة الصحة العالمية والأكاديمية الامريكية لأمراض القلب قالوا
السيجارة الواحدة بتديك حوالي 0.5 لتر من الدخان
جلسة شيشة ساعة واحدة بتديك من 50 لـ 90 لتر من الدخان
يعني في قعدة واحدة بتخلي رىتك بتمتص كمية دخان
بتعادل استنشاق دخان 100 لـ 200 سيجارة 🤯
◼️طيب الموية الفي الشيشة ما بتشيل السمسوم الفيها ؟
◼️في دراسة اتعملت في جامعة ميريلاند (University of Maryland)
أثبتت إنو الموية ما بتصفي السموم المسرطنة الفي الشيشة
الحقيقة انه الموية بتبرد الدخان بس
وده بيخلي شرابك للشيشة باردة وسهلة
الخطر انه التبريد ده بيخدر الأعصاب الحسيّة في الحلق
فما بتحس بالحرقة، وده بيخليك تسحب كمية أكبر
خاصة من المواد السامة زي الزرنيخ، الرصاص، والنيكل
من غير ما تشعر.
◼️طيب يا دكتور المعسل دا فواكه ليه خطر ؟
المعسل فيهو مادة الجلسرين و العسل الأسود
وديل لما يتحرقوا بيطلعوا مادة اسمها الأكرولين Acrolein
ودي مادة مهيجة جداً للجهاز التنفسي
وبتسبب الحساسية والربو
◼️اما الفحم دا المصيبة الكبرى
لأنو بيطلع هيدروكربونات PAHs
وديل في العلم هم أساس السرطان
