📌 عيادة المختبرات الطبية // د. خالد عبدالهادي يكتب : في السودان فحص الرطوبة هل هو ظالم أم مظلوم؟؟

جالينوس الطبي الصحة من لدن خبير 

📌 عيادة المختبرات الطبية // د. خالد عبدالهادي يكتب : في السودان فحص الرطوبة هل هو ظالم أم مظلوم؟؟

 ✍️ د. خالد عبدالهادي 

🔳أكتر فحص في السودان اتظلم بسبب 

اسم ما عنده علاقة بيهو!🤥🫢حاجة فاطمة قالت لجارتها:

🔳“والله يا بت، جسمي كلو واجعني… الظاهر عندي رطوبة.”

جارتها ذاتها متفقة مع كلامها قالت ليها

“ آي أمشي المعمل، بتكون الرطوبة عالية .”

🔳تاني يوم مشت حاجة فاطمة المركز وبعد دخلت علي الدكتور ، مشت المعمل تفحص وقالت:“عايزة أفحص الرطوبة.”

الأخصائي استغرب وقال:“رطوبة شنو؟”

قالت ليهو:“الدكتور طلب لي ESR… أكيد داير يعرف عندي رطوبة ولا لا.” 😭

🔳وهنا كان لازم نقعد حاجة فاطمة ونشرح ليها الحكاية ولي كل المفتكرين انه ال ESR فحص رطوبة 😂🪑 جرّ بنبرك وتعالَ قريب….

🔳طيب… ليه السودانيين أصلاً بسمّوه «فحص الرطوبة»؟الحكاية غالباً جاية من الطب الشعبي والتسمية المتوارثة.

🔳زمان، أي زول عندو وجع مفاصل، آلام جسم، أو أعراض عامة كان ممكن يسمع من الناس:((دي رطوبة.)) ومع مرور الزمن، بقى في ربط بين ESR وبين الحاجات دي؛ لأن الـESR ممكن يرتفع في بعض الحالات الالتهابية، ومنها بعض الحالات المصاحبة لآلام المفاصل.. فالتسمية الشعبية اتثبتت…لكن علمياً؟الـESR ما بفحص «الرطوبة»… ESR = Erythrocyte Sedimentation Rateوهو ببساطة مقياس لسرعة ترسّب كريات الدم الحمراء، وبيُستخدم كمؤشر ممكن يساعد الطبيب في تقييم وجود التهاب أو مشكلة معينة في الجسم.

يعني لو الـESR عالي:

❌ ما معناها عندك رطوبة.

❌ وما معناها عندك مرض محدد.

✅ معناها في معلومة محتاجة تتفسر مع الأعراض وبقية الفحوصات.فالمرة الجاية لو سمعت زول قال“ماشي أفحص الرطوبة.”

قول ليهو:“الرطوبة بريئة من الـESR يا زول 😂🩸”