📌 إستراحة الجمعة // الدكتور الصيدلاني فهمي خالد يكتب : تعرفوا شنو عن فترة امتياز الصيدلة.. نصائح مجرب.. يا صيدلي امتياز ما تخمن الدواء.. صاحب التمريض والدكاترة تتعلم أكتر من الكتب

جالينوس الطبي الصحة من لدن خبير 

📌 إستراحة الجمعة // الدكتور الصيدلاني فهمي خالد يكتب : تعرفوا شنو عن فترة امتياز الصيدلة.. نصائح مجرب.. يا صيدلي امتياز ما تخمن الدواء.. صاحب التمريض والدكاترة تتعلم أكتر من الكتب. 

✍️ د. فهمي خالد 

🔳فترة امتياز صيدلة أحلى وأصعب فترة في حياتك .. هنا بتتحول من “بتاع نظري” لـ “صيدلاني حقيقي”  

دي أهم النصائح الخلاصة عشان تطلع مستفيد:

1. نصائح في الصيدلية / المستشفى

– اسأل كتير: ما تخاف تقول “ما عارف”. أحسن تسأل 100 مرة ولا تدي دواء غلط.

– دفتر صغير معاك دايماً: سجل فيه الأدوية الجديدة، الجرعات الغريبة، التداخلات. ده حيكون مرجعك الذهبي.

– اتعلم الأسماء التجارية: الدكتور بكتب Cetal، المريض بقول “بندول”. لازم تعرف الاتنين.

– الصرف الآمن أولاً: راجع الاسم، الجرعة، التداخلات، الحمل، الكلى والكبد قبل أي شي.

2. المهارات البتفرق معاك

1. التواصل مع المريض: اشرح ببساطة. “ده قبل الأكل” أحسن من “يؤخذ قبل الوجبات”.

2. التعامل مع الضغط: حتلقى زحمة وشكاوى. خليك بارد وابتسم.

3. OTC: اتعلم أدوية الصيدلية البتتصرف بدون وصفة – مسكنات، برد، حموضة. ده 70% من شغلك.

4. الروشتات: اتعلم تقرا خط الدكاترة 😂 ومعرفة الاختصارات: bid, tid, prn

3. أخطاء اوعى تعملها

– تخمن الدواء: ما متأكد؟ ارجع للمرجع أو اسأل الصيدلي المسؤول.

– تدي معلومة غلط عشان “تطلع فاهم”: قول “حأتأكد ليك وارجع ليك” هيبة.

– تتجاهل المريض: في ناس جاية خايفة. كلمة طيبة بتفرق.

4. عشان تستفيد 100%

– لف كل الأقسام: الطوارئ، الباطنية، الأطفال، الصيدلية الخارجية. كل قسم مدرسة براهو.

– صادق ناس التمريض والدكاترة: هم حيعلموك عملي أكتر من الكتب.

– احضر الجرعات: كيف يحلو الدرب، كيف يحقنو. ده ما شغلك بس مهم تعرفيه.

🔳فترة الامتياز ما تقييم ليك. هي فترة تعلم.  

ح تغلط، وحتتوتر، وحيبكي مريض قدامك. عادي.  

المهم كل يوم تطلع بمعلومة جديدة.

“دور الصيدلي ما صرف دواء، دور الصيدلي أمان المريض.