♨️مقالات طبية 

📌اختصاصي جراحة الأوعية الدموية مستر سامر عبدالقادر يكتب : المضحك خلو سبب المشكلة ومسكوا فيني تحريات ومحاولات تخوين. 

✍️ مستر سامر عبدالقادر 

🔳السلام عليكم 

بعد مرور اسبوعين من كتابه البوست السابق عندي مريضين انتهو بي بتر فوق الركبه احدهم والد طبيبه زميله…

والاسكرينات دي لي مريضين غيرم ما قادرين على تكلفه القسطره وللاسف في الاغلب حينتهو بي نفس المصير … 

🔳مؤلم جدا انو يجيك مريض قاطع فيافي وخاتي فيك كل الامل انك تعالجو وما تقدر تعمل ليهو شي…

🔳المضحك في الامر انو الناس خلت سبب المشكله ومسكت فيني تحريات ومحاولات تخوين زي كانو انا رشحت نفسي للوزاره… فربنا يسامحهم…

🔳انا بشكر جميع الاهل والاحباب بالولايه الشماليه على كرمهم وتعاملهم الطيب وبخص بالشكر اسره مجمع السليماني التشخيصي الوفرت لي عياده متكامله وجهاز موجات وحتى مشكله السكن حلوها لي وادوني غرفه في المجمع فانا شاكر جدا جدا جدا …

 🔳العيانين ديل مسؤليتنا وربنا حيسالنا منهم بعدين .. وللاسف لانو اليد الواحده ما بتصفق فاكيد زامر الحي لن يطرب…

🤲 اسال الله ان تنتهي هذه الحرب بنصر عزيز لجنودنا البواسل و ان يعم السلام ربوع البلاد…..

 النصر والصمود لقواتنا المسلحه…

والجنه والخلود لشهدائنا الكرام…

نلتقي في سودان جميل يسع الجميع…

استودعكم الله الذي لاتضيع ودائعه..

لا تنسونا من صالح الدعوات…

ودمتم سالمين ...