♨️ مقالات طبية 

📌د. إسراء الطاهر تكتب : ياوزير الصحة شفت الحته دي كانت زمان مستشفى الأطفال في م. أحمد قاسم.. بالمناسبة مجمع العمليات حاتكون نهايتو شنو؟

✍️ د. إسراء الطاهر 

🔳أول حاجة ما اسمها مستشفى احمد قاسم لامراض وجراحة القلب وزراعة الكلي وبعدين حتى تجي مستشفى الاطفال حاف كده. الأصل هي مستشفى احمد قاسم للاطفال وقريبا ان شاء الله تبقى التخصصي يبقى نرتقي في طريقة المخاطبة.

🔳الصوره الأولى لي دكتور يس الامير مدير عام مستشفى احمد قاسم للاطفال وهو بيحاول يقنع الوزير انو الأطفال هم الأصل.

🔳 والصوره اللي بعدها لي د. هدي حامد مديرة القلب وهي بتوري الوزير المجسم اللي هم عاملينه اللي اصلا مافيه مستشفى أطفال قالت ليه شفت الحته دي كانت مستشفى الأطفال زمان😁 (شكلو يعني بعد ما يستولوا عليها ويجدعوا الاطفال في راكوبه يشوفوا فيها عيالهم.) السؤال للسيد المستشار القانوني لي مستشفى الأطفال والقلب( الراجل داخل بي صرفتين وتضارب المصالح واضح طبعا) 

🔳الحصل شنو على موضوع مجمع العيادات اللي مستولين عليه ناس القلب من ٢٠١٧ ورافضين يرجعوه و محاصرين بسببه الاطفال من كل الجهات والمفروض كان يسلم للاطفال في غضون ٣ شهور الحصل عليهو شنو وحاتكون نهايتو شنو؟