📌 د. أحمد عدلان يكتب : يعني شنو أبو العديلات؟
د. أحمد عدلان يكتب : يعني شنو أبو العديلات
♨️ تثقيف صحي عام
📌 د. أحمد عدلان يكتب : يعني شنو أبو العديلات؟
✍️ د. أحمد عدلان
♦️يعني شنو “أبو العديلات”؟
هو فيروس بحب يسكن في الغدد اللعابية، وعشان كدا بتلقى الزول “غددة مورمة ” بالضبط منطقة أضانو ورقبتو وارمة ومنفوخة.
💢 تعرفو كيف؟
في الرقبة أو تحت الأضان جهة واحدة أو الجهتين.
حمى عاليه سخانة وتعب عام في الجسم.
وجع عند البلع خاصة لما تاكل حاجة حامضة أو تمضغ.
📢 الوقاية والعلاج ؟
💊العزل ثم العزل: الزول المصاب يقعد في البيت (أقل حاجة 5 أيام من بداية الورم) عشان ما يعدي الباقين.. الفيروس ده بيعادي!
المسكنات: استعملوا البندول للحمى والوجع، وابعد تماماً عن الأسبرين للأطفال.
💊 اشرب موية كتير، وأكل أكل لين (شوربة، عصيدة) عشان البلع بكون صعب.
💊كمادات موية دافئة أو باردة (البتريحك) على مكان الورم بتخفف كتير.
📢 نقطة مهمة:
لو الوجع نزل تحت عند الرجال أو الأولاد أو حصل وجع شديد في البطن أو صداع ما بقيف، طوالي تمشي الدكتور من غير تأخير لأنو ممكن يعمل مضاعفات إحنا في غنى عنها.
◼️التحصين والتطعيم (MMR) هو الحل الجذري، أتأكدوا إنو أطفالكم مكملين جرعاتهم.
