♨️ عيادة المقابلات الأسبوعية المجانية

د. معتز الفاضل

📌📌 الحقني يا دكتور.. كراعي ( وارمة)

المريضه (57سنه):- يادكتور عندي ورم في رجلي أقلقني شديد.

الدكتور :- في رجل واحده بس؟

المريضه:- أيوه بس الورم واصل لحد الورك فوق. كل الرجل متورمه. مشيت لدكتور عمل لي doppler ultrasound قال لي ماعندك DVT. العندك ده ماعرفتو شنو. يكون من شنو؟

الدكتور :- أصبري شويه… هل تعرضتي لإصابه trauma او عمليات جراحيه surgeries في رجلك دي؟

المريضه:- لا أبداً.

الدكتور :- ليهو كم الورم ده معاك؟

المريض:- زي 3 أسابيع. هل ممكن يكون من القلب؟

الدكتور :- لا. لو من القلب مفروض رجليك الإتنين. بس العجيب انها pitting edema لما أضغط بأصبعي بيغطس جوووووووه.

المريضه :- أها ده شنو؟!

الدكتور :- بتاخدي أي أدويه حاليا؟

المريضه:- لا بس باخد tramal مع Zofran لوجع الضهر. حاولت آخد Lasix بس بدون فايده الحال في حاله.

الدكتور :- بديهي ال diuretics. لن تفيد.

لحظه خليني أكشف عليك عشان أفهم حاجه.

بعد الكشف :-

الدكتور:-

Stemmer’s sign

طلع positive.

المريضه :- ده شنو ؟

الدكتور :- ال Stemmer’s sign يعني قدرتك علي قرص الرجل ال متورمه بأصابعيك (كما هو في الصوره).. مادام يمكن التقريص غالبا دي ما venous edema.

المريضه :- أها شنو يعني… خلصني بسرعه ماتديني المعلومات كده بالقطّاره.

الدكتور :- أصبري… عندك

Enlarged inguinal lymph node (2cm)

علي الجهه المصابه.

المريضه :- اللهم طولك ياروح! … اها قول في شنو يعني… السبب شنو؟

الدكتور :- دي غالباً

Unilateral lymphoedema

بسبب تضخم العقده الليمفاوية الإربيه inguinal حصل ليك obstruction لل lymphatic flow وسبب ليك الورم ده.

المريضه :- السبب شنو في تضخم العقده الليمفاويه… ؟

الدكتور :- ماعارف. لسع الموضوع محتاج بحث. بس مرات ممكن يكون السبب lymphoma للأسف. المهم خلينا مانستعجل انا بحولك للبوص تتابعي معاه وهو حيعمل ليك CT abdomen و غالبا ياخد biopsy من ال LN.

المريضه :- طيب أديني علاج لحدما أقابله.

الدكتور :- اخدي brufen لو ماعندك موانع منو بيخفف ال lymphoedema.