📌 مدني// سستر آلاء أسامة ترد على اتهامات مرافق مريض.. اتهامات موجهة ضد سسترات وتمريض العناية المكثفة بمستشفى الشرطة مدني قائلة : ماعايزين شكر منكم بس على الاقل ماف داعي لي الإساءة

جالينوس الطبي الصحة من لدن خبير 

📌 مدني// سستر آلاء أسامة ترد على اتهامات مرافق مريض.. اتهامات موجهة ضد سسترات وتمريض العناية المكثفة بمستشفى الشرطة مدني قائلة : ماعايزين شكر منكم بس على الاقل ماف داعي لي الإساءة. 

🔳 اتهامات من مرافقة مريض موجود بالعناية المكثفة بمستشفى الشرطة مدني.. تقول فيها ((ياناس مدني البحصل في مستشفي الشرطة أخوي راقد في المكثفة السسترات يكتبوا ليه في الروشتة اتنين فراولة باللبن ومرات تلاتة ماذا وكل يوم موية صحة كبيرة والمشكلة أخوي مركبين ليه أنبوبة معدة بشرب بالحقنة وبمواعيد الصباح تاني يكتبوا ونحن ننقل من البيت التصوير والنشا والشوربة.. وإخواني ينقلوا والبحير كتبوا ليه صابون حمام وكريم وريحة دا ربو ولا ولادة؟وهو داخل عنده ربو وبتنفس بالاوكسجين.. وماخفي اعظم إلي أين ياسسترات العناية المكتبة مستشفي الشرطة مدني..))

🔺 سستر آلاء أسامة ترد نيابةً عن إسطاف تمريض العناية المكثفة بمستشفى الشرطة مدني قائلة :(( السلام عليكم انا إلاء وشغاله في العنايه واخر زول كانتا في حاله اخوك منها طلع وانت شفتا الحاله الجاء بيها والحاله المرق بيها وهسي هو وضعوا تمام مستقر فا الفضل بعد ربنا برجع لينا ماف كادر طبي بقصر في حق مريض ومامنتظرين من زول كلمه شكر دا واجبنا وحالفين قسم عليو حتى بعد كلامك دا تاني لاقدر الله احتجتوا لينا واجبنا بتدي في اي لحظه والمهنه دي مهنه انسانيه قبل أي حاجه والله نحنا ولا دقيقه مابنقعد اخوك كان بياخد ٣٠٠ كل ٣ ساعات تغذيه انا معاي ماخد ٣ مرات من زبادي لي مارا لي برتقال وكان رافض النشا الانتَوا جبتوها عشان كدا طلبنا برتقال وهو واعي وأظن الحفاظه قاعدين نرجعها بي الباقي الفيها بتجوا بشيلوا والصابون والريحه اكيد ماحانخلي بدون حمام ماعايزين شكر منكم بس على الاقل ماف داعي لي الإساءة.. آلاء أسامة))