📌 ود مدني // من طرائف الصيدليات //ياسمين صغيرون تكتب : الصيدلي شخبط على الدواء وأنا شخبطت على القروش.

جالينوس الطبي الصحة من لدن خبير 

📌 ود مدني // من طرائف الصيدليات //ياسمين صغيرون تكتب : الصيدلي شخبط على الدواء وأنا شخبطت على القروش. 

✍️ ياسمين صغيرون 

🔳امس مشيت الصيدليه اشتري حبوب ( مسكن) 

الصيدلي جاب صندوق الحبوب من الرف لقي مكتوب عليها السعر 1000 جنيه

🔳قام مسك القلم وشطب السعر وكتب عليها 2000 جنيه واداني ليه ؛

وانا كمان مسكت منو القلم وطلعت من جيبي 1000 جنيه وكتبت عليها 2000 جنيه يعني بس عدلت الرقم   

وطوالي اديتها ليه وشلت الدواء وطلعت 

الصيدلي مات من الضحك 

وبقي يكورك لي تعالي

قلت ليه ما جاية :قال لي ياخ تعالي اسمعي كلامي بس 

قلت ليه حاضر بسمع لكن قروش ما بدفع

قال لي ياخي خلاص العفو والعافيه امشي لكن المره الجايه تاني ما تشخبت في القروش 

قلت ليه جدا انت كمان ما تشخبت في الدواء.