♨️ مقال

📌 د إسراء الطاهر تكتب : إعفاء د. الادريسي..(قلب المرتبة المبلولة) 

✍️ د. إسراء الطاهر

◼️وزارة الصحة ولاية الخرطوم طول عمري بقول عليها كلبة ميته. لكن طلعت كلبة سعرانه وبتاكل في اكتر الناس اللي بيمدوا ليها يد العون.

◼️مستشفى احمد قاسم للاطفال كان جثة متوفيه لما د. الادريسي قرر انو يسيب اي حاجه ويرجع من حيث الأمان عشان يقوم هو والشباب المعاه بانعاشها. احمد قاسم لم تكن تعني منصبا للادريسي بل كانت تعني حياة الأطفال. السيد مدير عام الصحة اللي قاعد ساي ماناقش حاجه ومافي زول عارف اسمه ولا شكله قايل انو هو اللي شغل المستشفى وهو حتى. هذه اللحظه مانزل تسيير واحد لإدارة المستشفى كلها جهود شخصية لي دكتور الادريسي ربنا يجعلها في ميزان حسناته. كيزان الخرطوم قرروا يلعبوا الحرب بكل قذارتها. ويمسحوا مستشفى احمد قاسم للاطفال من الوجود زي ما مسحوا مستشفى بحري للاطفال قبلها ويواصلوا مسيرة مأمون حميده في طمس معالم مستشفيات الأطفال من مستشفى الخرطوم وجعفر ابن عوف و بحري للاطفال والدور ماشي يوصل باقي المستشفيات

◼️نحن بنقول قاعدين عشان نبني البلد والبلد هي اللي شغاله تهدم فينا.

◼️وزارة الصحة ولاية الخرطوم ماحتنعدل الا يمشي كل الوسخ ويجوا ناس عدلين. قلبة المرتبه المبلوله ما بترجعها جديده.

◼️كسرة اخيرة : لو القصد انو يمسكوا هدي حامد فترة عشان الناس تعترض عليها فيشيلوها ويجبوا واحد من ابواق الكيزان مكانها تبقي ملعوبة. .