📌منتدى أطباء الأسنان// طبيب الأسنان د. خالد دقاش يكتب : هل دكاترة الأسنان السودانين فقدوا الشغف في حضور المؤتمرات الدولية؟؟ 

جالينوس الطبي الصحة من لدن خبير 

📌منتدى أطباء الأسنان// طبيب الأسنان د. خالد دقاش يكتب : هل دكاترة الأسنان السودانين فقدوا الشغف في حضور المؤتمرات الدولية؟؟

 ✍️ طبيب الأسنان د. خالد دقاش 

🔳السؤال ده بيحتاج نقيف عنده ونراجع تفاصيل كتيرة ….قبل يومين نزل د أحمد عبدالله بوست في قروب thirty Two وكتب انه قدمت ليه دعوة من نقابة أطباء الأسنان المصرية لتقديم محاضرة في مؤتمر النقابة EDISC في القاهرة City Stars بعنوان Gingival Depigmentation with two different wavelengths وجاي من السعودية لتقديم المحاضرة والمشاركة … وبصراحة انا من أول يوم في المؤتمر كنت اتمني إني ألاقي عدد كبير من دكاترتنا وزملائنا في الموتمر وللأسف المفاجأة انه قابلات دكتورين في اليوم الأول 

🔳واليوم الثاني حضرت محاضرة د أحمد عبدالله لم اجد دكتور سوداني واحد غيري في القاعة والقاعة ملانة دكاترة من مختلف التخصصات والجنسيات …..وهنا بدأ السؤال يدور في راسي….. هل نحنا فقدنا الشغف في حضور المؤتمرات العلمية والمعارض لمواكبة التطورات في المجال ….خصوصاً انا بتكلم عن مؤتمر في مصر بلد فيها عدد كبير جداً من الطلاب والأطباء والمقيمين الدارسين في الجامعات المصرية 

🔳هل المشكلة في تكلفة حضور المؤتمرات ( مع العلم أنا دفعت تذكرة المحاضرات وقيمة التذكرة في المتناول للجميع ) ….؟هل المحتوى العلمي بقي ما محفز لدرجة الحضور وتكلفة عناء المشوار …؟ هل ظروف الحياة خلت التطور آخر أولويات الناس مع العلم انه مجالنا ده بحتاج مواكبة دورية ….ولا ببساطة بقينا ما شايفين قيمة الموتمرات…..

🔳أنا ما بتكتب الكلام ده عشان ألوم زول انه ما حضر بس المشهد خلاني أفكر …. لانه المؤتمرات دي ما مجرد شهادات حضورية وبس بل هي فرصة أننا نتعلم ونواكب ونشوف الجديد ونتقابل مع ناس من مدارس مختلفة لاختصار تجارب قد تأخذ مننا وقت طويل عشان نتعلمها ونمارسها وبرضو لبناء علاقات وتوسيع الأفق والمدارك حول المهنة، ولموااكبة التطورات في الأجهزة والمواد. 

🔳السؤال لأطباء الأسنان السودانين هل فعلا فقد الشغف في حضور المؤتمرات والمحاضرات العلمية ؟….