♨️ كرت جالينوس الطبي 

📌(للأطباء فقط) د. ماجد المبشر يكتب //حكاوي دكتورأطفال مع طبيب عمومى الحوادث: حالة Erythema multiforme minor المرض الجلدي. 

✍️ د. ماجد المبشر 

👨‍⚕️ الطبيب العمومي (في الحوادث):

“السلام عليكم يا دكتور.. عندنا ولد عمره ٨ سنين جابوهو أهلو. من الصباح ظهر ليهو طفح في اليدين والرجلين، وبعد شوية ظهر في وشّو. الطفح شكله دوائر كده في النص أحمر وحواليهو فاتح، زي عين الثور. الولد قبل أسبوع كان عندو سخانة والتهاب حلق، اتعالج في البيت بالمسكنات ساي. هسع بيقول الجلد بيحكّو وبيحرقو، لكن ما في أي دواء جديد أخدو.”

👨🏾‍⚕️ دكتور اطفال (جاي يكشف):

“خليني أشوف.. أها فعلاً، الطفح ظاهر أكتر في الأطراف، وفي الوش في شوية. ما في تقرحات كبيرة في الفم.. ودي علامة كويسة. القصة دي غالباً Erythema multiforme minor.”

👨‍⚕️ الطبيب العمومي:

“طيب يا دكتور، المرض ده شنو بالضبط؟

دكتور الاطفال: 

“شوف.. Erythema multiforme ده مرض جلدي نادر شوية، بيجي كرد فعل مناعي. يعني جهاز المناعة بعد ما يتعرض لشي زي التهاب فيروسي أو دواء، بعمل استجابة زيادة عن اللزوم. النتيجة بتكون الطفح المميز ده – دوائر أو بقع على شكل عين الثور.

الأسباب الرئيسية عند الأطفال:

أكتر سبب هو Herpes simplex virus.م

رات بيجي بعد التهابات الجهاز التنفسي أو البكتيريا زي Mycoplasma pneumoniae.

برضو ممكن يحصل بعد بعض الأدوية (زي المضادات الحيوية أو مضادات التشنجات)، لكن في الطفل ده واضح ما عندو تاريخ أدوية جديدة.

المرض نوعين:

Minor: طفح جلدي في الأطراف والوجه، ممكن معاها شوية حكة أو حرقان، والفم ما بيتأثر شديد.

Major: وده أخطر.. بيكون فيو تقرحات كبيرة في الفم، العيون، والأعضاء التناسلية، وده مرات بيشبه Stevens-Johnson syndrome.”

👨‍⚕️ الطبيب العمومي:

“يعني حالة الولد ده minor، صح؟”

👨🏾‍⚕️ دكتور الأطفال:

“بالضبط. العلاج هنا بيكون عرضي ساي:

مضاد هيستامين للحكة.م

سكنات بسيطة زي الباراسيتامول.

كريمات مرطبة عشان الجلد ما ينشف.

نطمن الأهل إنو المرض غالباً بمشي براهو في أسبوعين تلاتة.

لكن بنوصيهم: لو ظهرت تقرحات في الفم أو العيون، أو الولد بقى ما قادر ياكل/يشرب كويس، أو الطفح انتشر بصورة واسعة ومؤلمة → لازم يجو راجعين فوراً.”

👨‍⚕️ الطبيب العمومي:

“مفهوم يا دكتور.. أنا حأشرح لي أهلو ونجهز العلاج العرضي.”

👨🏾‍⚕️ دكتور الأطفال:

“تمام.. أهم حاجة يطمئنوا وما يتوتروا، وفي نفس الوقت يعرفوا العلامات الخطيرة ال ممكن تحتاج تدخل سريع.”