♨️ مقالات طبية

📌 مبارك جعفر يكتب : يا اخوانا الحقوا أدمن صفحة (صحة) ولاية الشمالية.

✍️ مبارك جعفر

🔳ياخوانا الحقوا أدمن صفحة وزارة الصحة – الولاية الشمالية
الراجل دا جنّ عدييييل
دا حالتو تاني يوم من الحصار الرقمي
الليلة العالم حيشمت فينا

🔳الأدمن بقى يكتب الخبر، ويقوم يكرر نفسسس الخبر في التعليقات مية مرة، عشااان تعليقات المواطنين حقت المطالب ما تظهر
ياخ أنا الليلة ح أ نتحـــر من قمة الإبداع الهلامي حقهم ده

🔳متخيل؟
يكتب الخبر، ويكرر نفس الخبر في التعليقات ألف مرة

🔳ياخ والله ما حتصدقوني
الصفحة عاملة شير لكلام د. هيثم وزير الصحة الاتحادي، اللي هو فيه إدانة مبطنة ليهم زاااتهم، من وزيرهم لواليهم، اللي بسببهم الصحة في الولاية الشمالية منهارة
🔳وبرضو الأدمن بقى يكرر في رد د. هيثم في التعليقات خرتمية مرة أنا ما حصل في حياتي كلها شفت صفحة رسمية بتعمل كدا ياخوانا
🔳يا إما في فايرس ضرب راس الأدمن، وللا فايرس ضرب راس المدير الفوق راس الأدمن، يا إما دا غباء في إدارة السوشيال ميديا بشكل لم يسبق له مثيل.
🔳مبدئيا كدا واحد ينصحه، يقول ليه هو كدا براااه حيلعب بخوارزميات الصفحة والناس حتركز عليهم أكتر وأكتر، ركوب راس
يااا الله يفهم لينا خوارزميات دي

🔳وبكرة حيطلعوا يقولوا لينا أصلا ما صفحة رسمية، وللا الأدمن شاله حمار النوم وهو بيكتب
وللا يقولوا الشبكة كانت كعبة في الولاية الشمالية
لكن والله الحصار جد جد زنقهم، طلعتوا صعبين يا #مشرق و #مرور

🔳يااا رب أدمن الصفحات الحكومية التانية ما ينتقل ليهم الفايرس أبو كلب دا في التفكير بتكرار التعليقات .. حنبقى أضحكوكة العالم.

🔳واصلوا حصاركم، نشوف الحيتعب فينا منو